સફળતા પાછળ સફળ કરતા નિષ્ફળ પ્રયાસો વધારે જવાબદાર હોય છે.
જંગ મા મોટાભાગે ક્ષમતા કરતા નિર્બળતા વધારે નિર્ણાયક પુરવાર થાય છે.
પ્રેમ ની પરીક્ષા કદી નાં કરતા સાહેબ, નિષ્ફળ થશો તો પ્રીત ગુમાવશો ને સફળ થશો તો પ્રિયતમ.
અંધકાર ને મહેસુસ કરવા રાત નું ઢળી જવું પુરતુ છે , પણ અજવાળા ને મહેસુસ કરવા દિવસ નું ઉગવુ પુરતુ નથી , આંખ નું ઉઘડવુ પણ જરુરી છે.
શબ્દો ને સમજણ નાં ત્રાજવે તોળીને જ વાપરવા જોઈએ કારણ કે વાત હંમેશા નાની જ હોય છે , જે વણસી જાય છે.
વર્ષો ને વીતતા વાર નથી લાગતી, ભૂસાતા વાર લાગે છે.
જીત ક્ષણિક હોય છે, ને ક્ષણિક હાર હોય છે.
દિવસો માત્ર સંઘર્શ નાં યાદગાર હોય છે.
સંઘર્શ કરવામા કદી પાછીપાની ન કરવી,
કારણ કે સંઘર્શ વીના ની જીત મા આનઁદ નથી હોતો અને સંઘર્શ છતા મળતી હાર મા અફસોસ નથી હોતો.
ભુલ અને ગુના વચ્ચે બહુ પાતળી ભેદરેખા હોય છે અને એ ભેદરેખા છે વ્યક્તિ ની મંછા.
ખરાં સમયે એકલા પાડી દેવાની જૂની ટેવ છે દુનિયાની,
ભરબપોરે તો પોતાના પડછાયા પણ ટૂંકા થઈ જાય છે.
ઈર્ષ્યા એક એવી બારી છે કે જ્યાંથી સુખ જોઇ શકાય છે, પણ ત્યાં સુધી જઇ શકાતું નથી.
મને શુ આવડે છે એ બીજાને જણાવવા કરતા મને શુ નથી આવડતું એ પોતાને જણાવવું વધું ફાયદાકારક છે.
ટૂંકમાં આત્મશલાઘા નહીં આત્મમંથન કરવું.
વર્તમાન મા એવા કર્મો કરવા જોઈએ કે જ્યારે એ ભૂતકાળ બને ત્યારે એમાંથી કોઈને ભવિષ્ય ઘડવાની પ્રેરણા મળે.
ધ્યાન રાખજો કે રીસામણા મનામણા વચ્ચે નું અંતર એટલું વધી નાં જાય કે હુ આગળ નાં વધી શકુ ને તમે પાછા નાં વળી શકો.
નિષ્ફળતા નાં આંસુ માથી શીખ ગાળી લઇને બાકી નાં આંસુ પી જવા એ સફળતા માટે નો અકસીર ઇલાજ છે.
સૂરજ નાં ઉગવાથી તારીખ બદલાય છે દિવસો નહીં…
સરળ રસ્તો સફળ નથી હોતો ને સફળ રસ્તો સરળ નથી હોતો.
વરવી વાસ્તવિકતા છે કે દુનિયા માં માણસો વધતા જાય છે ને માણસાઈ ઘટતી જાય છે.
માણસ કેટલો નસીબદાર છે કે એની બધી નિષ્ફળતા ની જવાબદારી નસીબ લઈ લે છે.
એકલતા ની એટલી દેન છે કે મને મારી અંદર મને બીજો હુ મળ્યો.
સૌથી વધું પુછાતો સવાલ છે,
કેમ છો?
જેનો કોઈ સાચો જવાબ ક્યારેય આપતું નથી,આપી શકતું નથી, આપવા ઇચ્છતું નથી.
કેટલાય સવાલ નાં સાચા જવાબ મૌન હોય છે…..
સફળતા નાં રસ્તે નીકળ્યા હો તો ધ્યાન રાખજો ક્યાંક સરળતા તમારો રસ્તો ભુલાવી નાં દે…
નામ તો જન્મતા વેંત મળી જ જાય છે,
મહેનત તો નામના મેળવવા કરવી પડે છે…..
સફળતા ની નાની એવી વ્યાખ્યા….
નામ થી નામના સુધી ની સફર…
રોજ એક નવો વિચાર જીવતાં માણસ ની નિશાની છે.
આપણ ને ગમતી જીંદગી એ કલ્પના છે, ને એને જીવી લેવાની ઇચ્છા એ સપના છે…
જીત નાં કારણો,
કશુંક મેળવવાની ચાહ, અથવા કશુંક ગુમાવવાનો ડર.
હાર નાં કારણો,
ઉપરના બે નો અભાવ…
કરુણતા છે કે વૃદ્ધ મા ને એનો દિકરો 40 વર્ષ પહેલા પહેલી વાર ક્યારે મા બોલ્યો તો એ તો યાદ આવે છે પણ…
છેલ્લી વાર ક્યારે મા બોલ્યો તો એ યાદ આવતું નથી…
કાશ કે મારુ દિલ રસ્તા પર પડેલું એ ફુલ હોત, જેનાં પર પગ મૂકતા પહેલા તે એક પળ વિચાર કર્યો હતો.
હાર્દકાવ્ય 
Wah
LikeLike
Thank you
LikeLike